Sadd Shukar Us Ne Mujh Say Chupaya nahi Mujhe, Urdu Ghazal BySaqib

صد شکر اس نے مجھ سے چھپایا نہیں مجھے

کب آئینے نے عکس دکھایا نہیں مجھے

سو کر اٹھا تو گھر میں فقط ایک میں ہی تھا

جاتے ہوئے کسی نے بتایا نہیں مجھے

اب تک تو تیرا ذکر کہی بھی نہیں ہوا

اب تک ترا خیال بھی آیا نہیں مجھے

واعظ بتا رہا تھا غلط راستے پہ ہو

لیکن درست راہ پہ لایا نہیں مجھے

خود ہی چنا تھا میں نے یہی رستہءِ زوال

اس نے تو کوئی خواب دکھایا نہیں مجھے

میں اپنا دکھ بیان بھلا کس طرح کروں

بس دوستوں نے ہاتھ ملایا نہیں مجھے

اس نے خدا کا ذکر کیا اور چل دیا 

ثاقب مگر یقین دلایا نہیں مجھے

ثاقب سعید